ໃນຄັ້ງວັນທີ 8-9/05/2024 ກົມຄວາມປອດໄພທາງໄຊເບີ ຮ່ວມກັບພະແນກເຕັກໂນໂລຊີ ແລະ ການສື່ສານແຂວງຈຳປາສັກ ຈັດກອງປະຊຸມຝຶກອົບຮົມກ່ຽວກັບຄວາມປອດໄພຂອງຂໍ້ມູນຂ່າວສານຜ່ານສື່ສັງຄົມອອນລາຍ ເຂົ້າຮ່ວມກອງປະຊຸມດັ່ງກ່າວມີ ທ່ານ ສຸດສາຄອນ ພົມມະຈັນ ຮອງຫົວໜ້າກົມຄວາມປອດໄພທາງໄຊເບີ ກະຊວງເຕັກໂນໂລຊີແລະການສື່ສານ. ມີຕ່າງໜ້າໃຫ້ບັນດາພະແນກການ, ກົມກອງອ້ອມຂ້າງແຂວງ ແລະ ພະນັກງານ ວິຊາການກ່ຽວຂ້ອງເຂົ້າຮ່ວມ.

 

 

ໃນພິທີທ່ານ ວິໄລ ແກ້ວມະນີໄລ ຫົວໜ້າພະແນກເຕັກໂນໂລຊີ ແລະການສື່ສານແຂວງຈຳປາສັກ ໃດ້ມີຄຳເຫັນຕໍ່ກອງປະຊຸມວ່າ ກອງປະຊຸມຝຶກອົບຮົມຄັ້ງນີ້ເປັນການປະຕິບັດເນື້ອໃນບົດບັນທຶກຄວາມເຂົ້າໃຈວ່າດ້ວຍການຮ່ວມມືໃນຂົງເຂດເຕັກໂນໂລຊີ ແລະ ການຫັນເປັນດີຈີຕອນລະຫວ່າງກະຊວງເຕັກໂນໂລຊີ ແລະ ການສື່ສານ ກັບ ແຂວງຈຳປາສັກ ໃຫ້ໃດ້ຮັບການຈັດຕັ້ງປະຕິບັດເປັນຮູບປະທຳໃນແຕ່ລະໄລຍະ ເຊີ່ງກອງປະຊຸມດັ່ງກ່າວເປັນກອງປະຊຸມທີ່ມີຄວາມສຳຄັນໃນຍຸກ 4,0

 

 

ກອງປະຊຸມຝຶກອົບຮົມໃນຄັ້ງນີ້ບັນດາທ່ານທີ່ເຂົ້າຮ່ວມຈະໃດ້ລົງເລີກດ້ານວິຊາການ ແລະ ຮັບຟັງການສະເໜີຫົວຂໍ້ ສະຕິຕໍ່ການບໍ່ຖືກຫຼອກລວງທາງອອນລາຍ (Online Scams ) ໃຫ້ຮູ້ຈັກການຫຼອກລວງທາງອອນລາຍ, ການຄຸ້ມຄອງເດັກນ້ອຍຈາກສື່ສັງຄົມອອນລາຍ, ເຕັກນິກການນໍາໄຊ້ເຕັກໂນໂລຊີຂໍ້ມູນຂ່າວສານໃຫ້ມີຄວາມປອດໄພ, ກົກໄກການຕອບໂຕ້ສື່ສັງຄົມອອນລາຍທົ່ວສັງຄົມ ນອກຈາກນັ້ນໃນກອງປະຊຸມຍັງໃດ້ມີການສົນທະນາແລກປ່ຽນຄວາມຄິດເຫັນໃນບັນຫາຕ່າງໆທີ່ມີຄວາມສົນໃຈໂດຍສະເພາະແມ່ນບັນຫາທີ່ເກີດຂື້ນຕາມສື່ສັງຄົມອອນລາຍໃນປັດຈຸບັນນີ້.

 

 

 

 

ຂ່າວ-ພາບ: ໄຊຊະນະ ແສງມະນີ