ກອງປະຊຸມຝຶກອົບຮົມກ່ຽວກັບຄວາມປອດໄພຂອງຂໍ້ມູນຂ່າວສານຜ່ານສື່ສັງຄົມອອນລາຍ ທີ່ ພະແນກເຕັກໂນໂລຊີ ແລະ ການສື່ສານ ແຂວງຈຳປາສັກ
14/05/2024
![ກອງປະຊຸມຝຶກອົບຮົມກ່ຽວກັບຄວາມປອດໄພຂອງຂໍ້ມູນຂ່າວສານຜ່ານສື່ສັງຄົມອອນລາຍ ທີ່ ພະແນກເຕັກໂນໂລຊີ ແລະ ການສື່ສານ ແຂວງຈຳປາສັກ](/cps/backend/web/images/download/Content_2024051408054042.jpg)
ໃນຄັ້ງວັນທີ 8-9/05/2024 ກົມຄວາມປອດໄພທາງໄຊເບີ ຮ່ວມກັບພະແນກເຕັກໂນໂລຊີ ແລະ ການສື່ສານແຂວງຈຳປາສັກ ຈັດກອງປະຊຸມຝຶກອົບຮົມກ່ຽວກັບຄວາມປອດໄພຂອງຂໍ້ມູນຂ່າວສານຜ່ານສື່ສັງຄົມອອນລາຍ ເຂົ້າຮ່ວມກອງປະຊຸມດັ່ງກ່າວມີ ທ່ານ ສຸດສາຄອນ ພົມມະຈັນ ຮອງຫົວໜ້າກົມຄວາມປອດໄພທາງໄຊເບີ ກະຊວງເຕັກໂນໂລຊີແລະການສື່ສານ. ມີຕ່າງໜ້າໃຫ້ບັນດາພະແນກການ, ກົມກອງອ້ອມຂ້າງແຂວງ ແລະ ພະນັກງານ ວິຊາການກ່ຽວຂ້ອງເຂົ້າຮ່ວມ.
![](/cps/backend/web/files/441056213_965696275557713_418971556267210049_n.jpg)
ໃນພິທີທ່ານ ວິໄລ ແກ້ວມະນີໄລ ຫົວໜ້າພະແນກເຕັກໂນໂລຊີ ແລະການສື່ສານແຂວງຈຳປາສັກ ໃດ້ມີຄຳເຫັນຕໍ່ກອງປະຊຸມວ່າ ກອງປະຊຸມຝຶກອົບຮົມຄັ້ງນີ້ເປັນການປະຕິບັດເນື້ອໃນບົດບັນທຶກຄວາມເຂົ້າໃຈວ່າດ້ວຍການຮ່ວມມືໃນຂົງເຂດເຕັກໂນໂລຊີ ແລະ ການຫັນເປັນດີຈີຕອນລະຫວ່າງກະຊວງເຕັກໂນໂລຊີ ແລະ ການສື່ສານ ກັບ ແຂວງຈຳປາສັກ ໃຫ້ໃດ້ຮັບການຈັດຕັ້ງປະຕິບັດເປັນຮູບປະທຳໃນແຕ່ລະໄລຍະ ເຊີ່ງກອງປະຊຸມດັ່ງກ່າວເປັນກອງປະຊຸມທີ່ມີຄວາມສຳຄັນໃນຍຸກ 4,0
![](/cps/backend/web/files/440945811_965696082224399_280377838359266785_n.jpg)
ກອງປະຊຸມຝຶກອົບຮົມໃນຄັ້ງນີ້ບັນດາທ່ານທີ່ເຂົ້າຮ່ວມຈະໃດ້ລົງເລີກດ້ານວິຊາການ ແລະ ຮັບຟັງການສະເໜີຫົວຂໍ້ ສະຕິຕໍ່ການບໍ່ຖືກຫຼອກລວງທາງອອນລາຍ (Online Scams ) ໃຫ້ຮູ້ຈັກການຫຼອກລວງທາງອອນລາຍ, ການຄຸ້ມຄອງເດັກນ້ອຍຈາກສື່ສັງຄົມອອນລາຍ, ເຕັກນິກການນໍາໄຊ້ເຕັກໂນໂລຊີຂໍ້ມູນຂ່າວສານໃຫ້ມີຄວາມປອດໄພ, ກົກໄກການຕອບໂຕ້ສື່ສັງຄົມອອນລາຍທົ່ວສັງຄົມ ນອກຈາກນັ້ນໃນກອງປະຊຸມຍັງໃດ້ມີການສົນທະນາແລກປ່ຽນຄວາມຄິດເຫັນໃນບັນຫາຕ່າງໆທີ່ມີຄວາມສົນໃຈໂດຍສະເພາະແມ່ນບັນຫາທີ່ເກີດຂື້ນຕາມສື່ສັງຄົມອອນລາຍໃນປັດຈຸບັນນີ້.
![](/cps/backend/web/files/440938546_965696465557694_324956069185737788_n.jpg)
![](/cps/backend/web/files/440203121_965730052221002_2052855056776477593_n.jpg)
![](/cps/backend/web/files/440939991_965695682224439_6913369842669544157_n.jpg)
ຂ່າວ-ພາບ: ໄຊຊະນະ ແສງມະນີ