ສະເຫຼີມສະຫຼອງວັນໄປສະນີແຫ່ງຊາດ ແລະ ວັນໂທລະຄົມມະນາຄົມແຫ່ງຊາດ ຄົບຮອບ 59 ປີ(13 ມີນາ 1965-13 ມີນາ 2024) ຢ່າງສຸດໃຈ!
14/05/2024
![ສະເຫຼີມສະຫຼອງວັນໄປສະນີແຫ່ງຊາດ ແລະ ວັນໂທລະຄົມມະນາຄົມແຫ່ງຊາດ ຄົບຮອບ 59 ປີ(13 ມີນາ 1965-13 ມີນາ 2024) ຢ່າງສຸດໃຈ!](/cps/backend/web/images/download/Content_2024051408050221.jpg)
ສະເຫຼີມສະຫຼອງວັນໄປສະນີແຫ່ງຊາດ ແລະ ວັນໂທລະຄົມມະນາຄົມແຫ່ງຊາດ ຄົບຮອບ 59 ປີ(13 ມີນາ 1965-13 ມີນາ 2024) ຢ່າງສຸດໃຈ!
ພາຍໄຕ້ຄຳຂວັນ “ພັດທະນາລະຫັດໄປສະນີເປັນທັນສະໄໝ, ສ້າງແຜນທີ່ດິຈິຕອນ, ປັບປຸງຄຸນນະພາບ ການບໍລິການໂທລະຄົມມະນາຄົມ ເພື່ອຮອງຮັບແກ່ການຫັນເປັນດິຈິຕອນໃນທົ່ວປະເທດ’’
![](/cps/backend/web/files/431946223_927082962752378_6649695700585683760_n.jpg)
ວັນທີ 13 ມີນາ 2024 ພະແນກເຕັກໂນໂລຊີ ແລະ ການສື່ສານ ແຂວງຈຳປາສັກໄດ້ຈັດພິທີສະເຫຼີມສະຫຼອງວັນໄປສະນີແຫ່ງຊາດ ແລະ ວັນໂທລະຄົມມະນາຄົມແຫ່ງຊາດ ຄົບຮອບ 59 ປີ (13 ມີນາ 1965-13 ມີນາ 2024) ຂື້ນຢູ່ ພະແນກເຕັກໂນໂລຊີ ແລະ ການສື່ສານແຂວງຈຳປາສັກ ໃຫ້ກຽດເປັນປະທານໂດຍ ທ່ານ ນາງ ແສງທະລາ ປ້ອງວິໄລ ຮອງຫົວໜ້າພະແນກເຕັກໂນໂລຊີ ແລະ ການສື່ສານ ແຂວງຈຳປາສັກ, ມີບັນດາຫົວໜ້າ-ຮອງຫົວໜ້າຂະ ແໜງ ຕ່າງໜ້າຈາກບັນດາ ບໍລິສັດ ສະຕາໂທລະຄົມ ຈຳກັດ, ບໍລິສັດ ອິທີແອລ ຈຳກັດ, ບໍລິສັດ ໄປສະນີລາວ ແລະ ຫົວໜ່ວຍທີ່ໃຫ້ບໍລິການດ້ານໄປສະນີຈຳນວນໜຶ່ງ ພ້ອມດ້ວຍວິຊາການພາຍໃນພະແນກເຕັກໂນໂລຊີ ແລະ ການສື່ສານ.
![](/cps/backend/web/files/431959018_927082866085721_2888444912191750829_n.jpg)
ໃນພິທີທ່ານ ນາງ ແສງທະລາ ປ້ອງວິໄລ ຮອງຫົວໜ້າພະແນກເຕັກໂນໂລຊີ ແລະ ການສື່ສານ ແຂວງຈຳປາສັກ ເຜີຍແຜ່ບົດຖະແຫຼງການຂອງທ່ານລັດຖະມົນຕີກະຊວງເຕັກໂນໂລຊີ ແລະ ການສື່ສານ ເນື່ອງໃນໂອກາດສະເຫຼີມສະຫຼອງ 02 ວັນດັ່ງກ່າວ ພ້ອມທັງເຜີຍແຜ່ບັນດາກົດໝາຍ ແລະ ນິຕິກຳໄຕ້ກົດໝາຍທີ່ກ່ຽວຂ້ອງກັບວຽກງານວັນໄປສະນີ ແລະ ວັນໂທລະຄົມມະນາຄົມ ເພື່ອເປັນການປູກຈິດສຳນຶກ ແລະ ຄວາມຮັບຮູ້ໃຫ້ແກ່ທຸກຄົນໃນສັງຄົມເປັນຕົ້ນແມ່ນຜູ້ສ້າງລະບຽບການຄຸ້ມຄອງໄປສະນີ, ໂທລະຄົມມະນາຄົມ, ຜູ້ປະກອບການ, ຜູ້ຄ້າຂາຍອອນລາຍ ແລະ ຜູ້ຊົມໃຊ້ທັງຫຼາຍ ໃຫ້ເຂົ້າໃຈຢ່າງເລິກເຊີ່ງເຖິງບົດບາດ ແລະ ຄວາມສຳຄັນຂອງວຽກງານໄປສະນີ ແລະ ວຽກງານໂທລະຄົມມະນາຄົມ ຕໍ່ການພັດທະນາເສດຖະກິດ-ສັງຄົມ.ພ້ອມກັນນັ້ນ ກໍ່ເພື່ອຊຸກຍູ້ສົ່ງເສີມການຄ້າເອເລັກໂຕຼນິກ, ທຸລະກິດ StarUp, ຜູ້ປະກອບການ SME, ການສຶກສາທາງໄກ, ການແພດທາງໄກ, ການຜະລິດອຸດສະຫະກຳໃນຍຸກດີຈີຕອນ ແລະ ການຖ່າຍທອດເຕັກໂນໂລຊີດີຈີຕອນທີ່ກ້າວໜ້າຂອງໂລກເຂົ້າມາປະເທດເຮົາເພື່ອປະກອບສ່ວນການຈັດຕັ້ງຜັນຂະຫຍາຍພັດທະນາການຫັນເປັນດີຈີຕອນຂອງປະເທດເຮົາໃຫ້ປະກົດຜົນເປັນຈິງ.
![](/cps/backend/web/files/432753559_927082519419089_3958880389113800595_n.jpg)
ຂ່າວ-ພາບ: ສ້ອຍມະນີ ໂພໄຊ.