ຕອນບ່າຍວັນທີ 4 ພະຈິກ 2024, ນີ້ຢູ່ທີ່ຫ້ອງປະຊຸມຊັ້ນສອງຂອງ ພະແນກເຕັກໂນໂລຊີ ແລະ ການສື່ສານແຂວງຈໍາປາສັກ ໄດ້ຈັດພິທີຕ້ອນຮັບທ່ານ ນາງ ວໍ ກາວ ທິມົງຮວຍ ຮອງຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງບິງດິ້ງ, ພ້ອມຄະນະ ທີ່ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຈໍາປາສັກ, ໃຫ້ກຽດຕ້ອນຮັບຂອງທ່ານ ສົມຈິດ ໂພທິສານ ຮອງຫົວໜ້າພະແນກເຕັກໂນໂລຊີ ແລະ ການສື່ສານແຂວງຈໍາປາສັກ (ຜູ້ຮັກສາການແທນຫົວໜ້າພະແນກ ຕສ), ມີຄະນະພະແນກການກ່ຽວຂ້ອງຂອງແຂວງ ແລະ ພະນັກງານພະແນກເຕັກໂນໂລຊີ ແລະ ການສື່ສານແຂວງ ເຂົ້າຮ່ວມ.

ໂອກາດນີ້ທ່ານ ສົມຈິດ ໂພທິສານ ໄດ້ກ່າວສະແດງຄວາມຕ້ອນຮັບຕໍ່ທ່ານ ນາງ ວໍ ກາວ ທິມົງຮວຍ ຮອງຫົວໜ້າພະແນກ ວິທະຍາສາດ ແລະ ເຕັກໂນໂລຊີ, ແຂວງ ບິງດິ້ງ, ສສ ຫວຽດນາມ ພ້ອມຄະນະ ໃນໂອກາດທີ່ທ່ານມາເຄື່ອນໄຫວຢ້ຽມຢາມ ເຮັດວຽກ, ແລກປ່ຽນປະສົບການ, ເຕັກນິກ, ຍົກສູງຄຸນນະພາບການຜະລິດ, ການວັດແທກ, ກວດກາ ແລະ ຕີລາຄາຄຸນນະພາບ ແນວພັນປູກ ແລະ ປຶກສາຫາລືທິດທາງຮ່ວມມືໃນຕໍ່ໜ້າຂອງພະແນກການກ່ຽວຂ້ອງຂອງແຂວງຈໍາປາສັກ ສປປ ລາວ. ທັງເປັນການເພີ່ມທະວີສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຂອງສອງແຂວງຄື: ແຂວງ ບີງດິ້ງ ແລະ ແຂວງຈຳປາສັກ ໂດຍສະເພາະແມ່ນການເສີມສ້າງຄວາມເຂັ້ມແຂງທາງດ້ານວິຊາການໃຫ້ແກ່ ພະແນກເຕັກໂນໂລຊີ ແລະ ການສື່ສານ, ພະແນກອຸດສາຫະກຳ ແລະ ການຄ້າ ລວມທັງພະແນກກະສິກຳ ແລະ ປ່າໄມ້ ແຂວງຈຳປາສັກ.

ໃນໂອກາດມາເຄື່ອນໄຫວທີ່ແຂວງຈໍາປາສັກຂອງຄະນະຜູ້ແທນແຂວງບິງດິ້ງ ຄັ້ງນີ້ ແມ່ນໄດ້ມີການຈັດຝຶກອົບຮົມດ້ານວິຊາການ, ແນະນໍາກໍ່ສ້າງຮູບແບບການຜະລິດບາງຊະນິດເກັດກິນໄດ້ ແລະ ເຫັດເປັນຢາ (3 ຊະນິດເຫັດຄື: ເຫັດລິນຈື່, ເຫັດ Oyster, ເຫັດເຟືອງ) ທີ່ວິທະຍາໄລກະສິກຳ ແລະ ປ່າໄມ້.

ຊ່ວຍໃນການຝຶກອົບຮົມວິຊາຊິບກ່ຽວກັບວິທີການຄວບຄຸ້ມບັນດາອຸປະກອນການວັດແທກຕ່າງໆ ຄື: ການດຸ່ນດ່ຽງການວິເຄາະ, ຂະໜາດແຜ່ນ, ຂະໜາດຕາຕະລາງ, ເຄື່ອງວັດແທກໄຟຟ້າ, ເຄື່ອງ ວັດແທກນໍ້າສະອາດ, ການນໍາໃຊ້ເຄື່ອງມືປະດິດສ້າງ 5S-Kaizen ເພື່ອຫຼຸດຜ່ອນສິ່ງເສດເຫຼືອ, ສິນຄ້າຂອງແຂວງ ທີ່ພະແນກ ອຸດສາຫະກຳ ແລະ ການຄ້າ ແຂວງຈຳປາສັກ.

ການຝຶກອົບຮົມດ້ານວິຊາການ ການຜະລິດ ແລະ ນໍາໃຊ້ບາງຜະລິດຕະພັນປັບປຸງສິ່ງເສດເຫຼືອໃນ ຄົວເຮືອນ ແລະ ປຸງແຕ່ງສິ່ງເສດເຫຼືອສັດລ້ຽງເປັນຝຸ່ນຊີວະພາບ ທີ່ວິທະຍາໄລກະສິກຳ ແລະ ປ່າໄມ້ ແຂວງຈຳປາສັກ.

ການຝຶກອົບຮົມປູກຈິດສຳນຶກກ່ຽວກັບຊັບສິນທາງປັນຍາ ແລະ ຂະບວນການຂັ້ນຕອນການ ລົງທະບຽນການປົກປ້ອງເຄື່ອງໝາຍການຄ້າໃນລາວ ທີ່ພະແນກ ອຸດສາຫະກຳ ແລະ ການຄ້າ ແຂວງຈຳປາສັກ.